Cynhaliodd Lisa weithdai yn nigwyddiad 'Menywod mewn Adeiladu' CITB Cymru ochr yn ochr â chwmnïau eraill yng Ngogledd Cymru i ysbrydoli disgyblion benywaidd ifanc o ysgolion uwchradd lleol i ystyried gyrfa mewn adeiladu.

Yn y gweithgaredd Adeiladu John Kelly, cafodd 60 o ddysgwyr o Ysgol Uwchradd Bodedern, Ysgol Syr Hugh Owen ac Ysgol Dyffryn Nantlle gyfle i ddefnyddio peiriannau rheoli o bell i efelychu tasgau adeiladu yn y byd go iawn, gan ddysgu am waith tîm, cydlynu, a rôl peiriannau mewn adeiladu modern.

Diolch i Gunn JCB Ltd am eu rhodd garedig o adnoddau ar gyfer y digwyddiad a diolch i bawb yn y CITB.

Fel rhan o'n gwaith ym Mharc y Coleg, Prifysgol Bangor, fe wnaethom drefnu i'r giât dreftadaeth hynafol hon gael ei symud a'i hadfer.

Cafodd y giât ei hadnewyddu a'i gorchuddio â phowdr cyn cael ei gosod yn ei lleoliad newydd yng Ngerddi Botaneg Treborth lle gellir ei hedmygu am flynyddoedd i ddod.

Yn ddiweddar, cwblhaodd John Kelly Construction ailddatblygiad Parc y Coleg ym Mhrifysgol Bangor.
Mae'r gwelliannau allweddol i seilwaith y parc yn cynnwys:
- llwybr hygyrch newydd ar draws y parc sy'n cysylltu â Pontio.
- mynedfa newydd fwy diogel oddi ar Ffordd Deiniol sy'n cysylltu â chanol y ddinas.
- symud y giât hanesyddol wreiddiol i leoliad gwarchodedig yng Ngerddi Treborth.
- creu ardaloedd lawnt defnyddiadwy i annog gweithgareddau newydd.
- darparu goleuadau newydd i wella diogelwch ar ôl iddi nosi.
- rheoli a theneuo llystyfiant presennol yn ddetholus i agor y golygfeydd a gwella diogelwch ar hyd y llwybrau troed.

Fel bob amser, rydym yn ddiolchgar i'n Tîm JK rhagorol am eu proffesiynoldeb drwy gydol y gwaith ac i'n cyflenwyr a'n his-gontractwyr lleol am eu gwaith medrus ar y prosiect hwn.
Rydym yn edrych ymlaen at weld y gymuned gyfan yn mwynhau'r lle hwn.

Rydym bob amser yn anelu at wneud gwahaniaeth cadarnhaol yn y cymunedau lle rydym yn gweithio. Rydym wedi ail-wynebu mynedfa Clwb Criced Bangor wrth weithio ar brosiect Parc y Coleg Prifysgol Bangor.

Gobeithiwn y bydd chwaraewyr ac ymwelwyr yn elwa o'r gwelliannau hyn am flynyddoedd lawer i ddod.

Mwynhaodd Lisa ymweliad ag Ysgol Bro Lleu, Pen-y-groes yr wythnos hon gyda rhodd o hetiau caled a siacedi gwelededd uchel ar gyfer ardal adeiladu'r babanod ac i gynllunio sut y gallwn gefnogi'r ysgol wrth i ni weithio ar ddatblygiad Adra Ffrwd Carreg Wen.

Llongyfarchiadau i'n Rheolwr Safle Rhun Williams, sydd wedi derbyn Gwobr Ansawdd #NHBCPiJ 2025 am ei waith ym Mro Eglwys, Bethel, Caernarfon!

Hoffem estyn ein diolch i bob aelod o Dîm JK sydd wedi cyfrannu at y prosiect hwn ac i'n holl gyflenwyr a'n his-gontractwyr lleol sydd wedi sicrhau bod y cartrefi hyn yn cael eu hadeiladu i'r safon uchaf.

Contract Newydd

Mae John Kelly Construction yn falch o gyhoeddi ein bod wedi ennill contract dylunio ac adeiladu gwerth £3.1 miliwn gan y darparwr tai cymdeithasol Adra.

Dechreuodd y gwaith ym mis Mai ar ddatblygu 12 tŷ ym Mhenygroes, Caernarfon.

Mae'r datblygiad hwn yn cynnwys cymysgedd o dai lled-ddatgysylltiedig, teras a thai ar wahân ar safle hen garej. Mae'r prosiect hwn i fod i gael ei gwblhau ym mis Mai 2026.

Gwahoddwyd John a Lisa i lawr i Gunn JCB Ltd yn Uttoxeter am ddau ddiwrnod i archwilio'r ffatrïoedd, profi'r peiriannau ac edrych ar y chwarel.

Cawsant amser gwych yn dysgu am hanes ac amgylchedd gwaith JCB.

Tri Diwrnod Gwych o Hyfforddiant Cymorth Cyntaf Lefel 3 yn y Gwaith!

Rydym newydd gwblhau cwrs Cymorth Cyntaf Lefel 3 yn y Gwaith tair diwrnod rhagorol gyda Hyfforddiant Môn! O CPR a diffibrilio i reoli anafiadau, cyflyrau meddygol, a senarios brys, mae ein dysgwyr wedi ennill sgiliau achub bywyd hanfodol a allai wneud gwahaniaeth gwirioneddol pan fo'n bwysicaf.